ნაციონალური მოძრაობა ხელისუფლებას პოლიტიკური ნიშნით დევნასა და ადმინისტრაციული რესურსის გამოყენებაში ადანაშაულებს.პარტიის ინფორმაციით, ერედვის გამგეობის თანამშრომლებს ხელმძღვანელებმა სამსახურიდან წასვლის შესახებ განცხადებების დაწერა მოსთხოვეს, მიზეზი კი, პოლიტიკოსების განმარტებით, დასაქმებულების ოჯახის წევრების მიერ ნაციონალური მოძრაობის პროგრამით დაინტერესება და მხარდაჭერაა.პარტიაში განმარტეს, რომ ადამიანები, ვისი ოჯახის წევრებიც პოლიტიკური ნიშნით იდევნებიან, კოდაში დევნილთა დასახლებაში ნაციონალურ მოძრაობასთან წინასაარჩევნო შეხვედრაზე იმყოფებოდნენ.