ხარაგაულის რაიონის სოფელ ზვარეში ჩინური კომაპანიის მიერ სარკინიგზო გვირაბის მსენებლობაზე დასაქმებული ასამდე მუშა გაიფიცა.
. გაფიცვა უშუალოდ მოჰყვა კომპანიიდან რამდენიმე თანამშრომლის უმიზეზოდ დათხოვნას, თუმცა მუშებს დიდი ხანია აქვთ სხვა პრეტენზიებიც – ისინი ჩინური კომპანიისგან ხელფასის მომატებას და სამუშაო პირობების გაუმჯობესებას ითხოვენ. მათი განცხადებით, გაუმართავი სამუშაო ტექნიკის გამო ხშირად ირღვევა უსაფრთხოების ზომები.
,,ასამდე ადამიანი მონურ პირობებში ვმუშაობთ. ხმის ამოღების უფლებაც არა გვაქვს. პრეტენზია რომ გამოვთქვათ სამსახურიდან დათხოვნით გვემუქრებიან. გუშინ რაღაც ვუთხარი ჩინელ უფროსს, არ მოეწონა და არმატურით მომდევდა. იქნებ, ვინმე მოგვეშველოს და დაინტერესდეს რა პირობებში გვიწევს მუშაობა. საშინელი მტვერი და აუტანელი სიცხე არის ჩვენი ყოველდღიურობა'' – ამბობს მშენებლობაზე დასაქმებული მინდია ოკრიბელაშვილი მედიასთან საუბარში. .
გაფიცულები აცხადებენ, რომ თუ გამაფრთხილებელი აქციის შემდეგ მდგომარეობა არ შეიცვალა, გაფიცვა გაგრძელდება.
ვითარების შესწავლას აპირებენ პროფკავშირების წარმომადგენლები. ჩინურ კომპანიაში კი კომენტარს არ აკეთებენ.
ცნობისთვის, ხარაგაულში, კერძოდ, ხაშური-ხარაგაული-ზესტაფონის ახალ სარკინიგზო მაგისტრალზე ჩინური კომპანია შპს „ჩინეთის რკინიგზის 23-ე ბიურო” გვირაბს აშენებს