ამ წუთებში ცნობილი გახდა, რომ საქართველოს კანდიდატი ფილმი ,,ოსკარის'' უცხოენოვანი ფილმის ნომინაციაზე რუსუდან გლურჯიძის "სხვისი სახლი" იქნება.

ფილმი 1990-იანი წლების საქართველოს ეხება. სიუჟეტი ომში ფიზიკურად გადარჩენილ ორ ოჯახზე მოგვითხრობს. ისინი იკავებენ ნაჩქარევად გამოთავისუფლებულ სახლებს, მაგრამ მშვიდობიან გარემოში ახალი ცხოვრების დაწყება არ შეუძლიათ. ომი ყოველდღიურ ცხოვრებაში გრძელდება. 

 

"სხვისი სახლი" ეროვნული კინოცენტრის კონკურსის გამარჯვებული პროექტია. ფილმი საქართველოს, რუსეთის, საფრანგეთის და ხორვატიის კოპროდუქციაა. ფილმი რუსუდან გლურჯიძის სადებიუტო ნამუშევარია. მთავარ როლებს ია სუხიტაშვილი, სალომე დემურია, ზურაბ მაღალაშვილი, ოლგა დიხოვიჩნაია, ეკატერინე ჯაფარიძე და საბინა ახმედოვა ასრულებენ.

 

ფილმის მსოფლიო პრემიერა კარლოვი-ვარში შედგა,    ცენტრალური და აღმოსავლეთ ევროპის წამყვან საერთაშორისო კინოფესტივალზე და გამარჯვებულიც გახდა. იგი  საუკეთესო ფილმად აღიარეს საკონკურსო პროგრამაში – East of the West . კინოფესტივალი ჩეხეთში 1-9 ივლისის პერიოდში მიმდინარეობდა..