ბორჯომის პარკი ტურისტებისთვის დროებით დაიხურა

ბორჯომის პარკი ტურისტებისთვის დროებით დაიხურა. როგორც ”ინტერპრესნიუსს” ბორჯომის გამგებელმა, დიმიტრი ყიფიანმა განუცხადა, წაქცეულია ასწლოვანი ხეები და ჩახერგილია ატრაქციონებთან მისასვლელი გზები. მისივე განმარტებით, ამ დროისთვის სატყეო დეპარტამენტის 50 თანამშრომელი გაწმენდით სამუშაოებს აწარმოებს. როგორც გამგებელმა აღნიშნა, დროებით ტურისტებს პარკში შესვლა შეზღუდული აქვთ, თუმცა დღის მეორე ნახევარში გზა სავარაუდოდ გაიწმინდება და მინერალური წყლის აღება ყველას შეეძლება.გამგებლის ინფორმაციით, კომპანია ”ენერგო პრო ჯორჯიას” გენერალური დირექტორი ბორჯომში იმყოფება და მიმდინარეობს სამუშაოები, რომ სოფლებს ელექტროენერგიის მიწოდება სრულად აღუდგეთ.„ხეებია ჩახერგილი ტყეში. ე.წ. პლატოს ტერიტორიაზე გზა გახსნილია, თუმცა ადგილზე სამუშაოები მიმდინარეობს, რომ მიმდებარე სოფლებს ელექტროენერგიის მიწოდება აღუდგეთ. მინდია ჯანელიძე იმყოფება ბორჯომში, ვიმყოფებით პარკის ტერიტორიაზე, შემდგომ გვექნება შეხვედრა, დაისახება კონკრეტული გეგმები, დაითვლება ზარალი. ამ დროისთვის, მთლიანად ბორჯომში სიტუაცია ნორმალიზებულია, მოსახლეობაც და ტურისტებიც ცხოვრების ჩვეულ რიტმს დაუბრუნდებიან”, – განაცხადა გამგებელმა. რაც შეეხება ზარალს, მისი ოდენობა ჯერ დათვლილი არა არის.

ბორჯომის პარკი ტურისტებისთვის დროებით დაიხურა

სიახლეები

იმედის, რუსთავი 2-ისა და პოს ტვ-ის სარეკლამო შემოსავლებმა 2026 წლის I კვარტალში ჯამში 20,7 მლნ ლარი შეადგინა

გარდაბანში ავარიისას დაშავებული ახალგაზრდა კლინიკაში გარდაიცვალა

„ოპოზიციური ალიანსი“ ასხელებს 6 პირობას “სამართლიანი და თავისუფალი არჩევნების ჩასატარებლად“

205 უკრაინელი ტყვე სამშობლოში დაბრუნდა-ინფორმაციას ამის შესახებ უკრაინის პრეზიდენტი ზელენსკი ავრცელებს