წუხელ თურქეთში, იზმირის პროვინციაში, სტამბოლიდან 320 კილომეტრში მდებარე ნატოს ავიაბაზის სიახლოვეს ძლიერი ხანძარი გაჩნდა. ცეცხლმა ტყის მასივის 40 ჰექტარამდე ფართობი მოიცვა. თურქეთის მედიაში მსგავსი ინფორმაცია არ გამოჩენილა, თუმცა იგი წუხელვე გავრცელდა სოციალურ ქსელში, იქვე გამოქვეყნდა პირველი ფოტოებიც შემთხვევის ადგილიდან, თუმცა არ არის გამორიცხული, რომ ფოტოები ნაყალბევი იყოს.
არსებული მონაცემებით, მთელი ღამე მიმდინარეობდა და ამ დრომდე გრძელდება ხანძრის ლიკვიდაციის სამუშაოები, მოხდა მოსახლეობის ევაკუაცია, დასავებული არავინაა. დაზიანდა ერთი შენობა, რომელსაც სამხედრო ბაზასთან კავშირი არ აქვს. მეხანძრეები და აცხადებენ, რომ ხანძრის გავრცელების საშიშროება არ არსებობს. ადგილობრივი პოლიცია ხანძრის განზრახ გაჩენის ვერსიას ამოწმებენ.
თურქული მედიისაგან განსხვავებით რუსული იუწყება, რომ არის საშიშროება ხანძარი ბაზის ტერიტორიაზე გადავიდეს და რომ ნატოს სამხედრო მოსამსახურეები იღებენ ზომებს გადაუღობონ ცეცხლს გზა იარაღის საწყობისაკენ. ნატოს წარმომადგენლებს ამ საკითხზე კომენტარები არ გაუკეთებიათ.