გერმანიაში მომხდარ თავდასხმაზე პასუხისმგებლობა დაჯგუფება ისლამურმა სახელმწიფომ აიღო.
დაჯგუფების მედია ,,ფრთის ამაქის'' მიერ გავრცელებული ცნობით, 17 წლის ავღანელი ISIS-ის მებრძოლი იყო.
თავდასხმა გუშინ, ბავარიაში, ქალაქ ვიუცბურგთან მოხდა. 17 წლის ავღანელმა ახალგაზრდა სამგზავრო მატარებელში შეიჭრა და ვაგონში მყოფ მგზავრებს ნაჯახითა და დანით დაერია. ვაგონში ამ დროს ოცამდე ადამიანი იმყოფებოდა. სამი მათგანი შედარებით მსუბუქად არის დაშავებული, ერთი მძიმედაა დაჭრილი. თავდამსხმელმა ატეხილი განგაშის შემდეგ გაჩერებული მატარებლიდან გაქცევა სცადა, მაგრამ დადევნებულმა, პოლიციელებმა მისი ლიკვიდირება შეძლეს.
გამოძიების მასალებით, ახალგაზრდა თავშესაფრის მაძიებელთა სიაში ირიცხებოდა და გერმანულ ოჯახს ჰყავდა აღსაზრდელად მიბარებული. თავდამსხმელის ბინაში სამართლდამცველებმა ISIS-ის დროშა აღმოაჩინეს.