გრძელდება პრეზიდენტის ვიზიტი სლოვენიაში. იგი უკვე შეხვდა სლოვენიის პრემიერს და მოლაპარაკებები გამართა ეროვნული ასამბლეის პრეზიდენტსა და ლუბლიანას მერთანაც.
ზორან იანკოვიჩთან შეხვედრისას დედაქალაქებს შორის ურთიერთობების განვითარებაზე გაკეთდა აქცენტი.
ვიზიტის ფარგლებში, საქართველო-სლოვენიის მეგობრობის ნიშნად ლიუბლიანაში, თბილისის ქუჩაზე მდებარე სკვერში, სიმბოლურად სკულპტურა – მეგობრობის სკამი გაიხსნა. პრეზიდენტმა მარგველაშვილმა ქალაქის ისტორიული უბნებიც დაათვალიერა. უახლოეს პერიოდში საქართველოში სლოვენიის პრეზიდენტი ჩამოვა.