აღსრულების ეროვნული ბიუროს ეზოში, საპარკინგო ტერიტორიაზე დაუდგენელი მიზეზებით ატეხილი სროლის შედეგად დაჭრილია ორი ადამიანი. ორივე სასწრაფო სამედიცინო დახმარების ბრიგადების მიერ საავადმყოფოშია გადაყვანილი. ერთ-ერთ დაჭრილს 7 ტყვია აქვს მოხვედრილი მეორეს – ორი.
აღსრულების ბიუროს პრესსამსახურში აცხადებენ, რომ ინცინდენტის მონაწილეები არ არიან ბიუროს თანამშრომლები – ერთმანეთს ორმა კერძო პირმა ესროლა ცეცხლსასროლი იარაღიდან. როგორც თვითმხილველთა თქმით, სროლას წინ დაპირისპირება არ უძღოდა, თავდამსხმელი ბიუროს ავტოსადგომზე მივიდა და მოულოდნელად გაუხსნა ცეცხლი იქ მყოფ ერთ-ერთ პირს.
ადგილზე მობილიზებული არიან საპატრულო პოლიციის თანამშრომლები და კრიმინალისტები.