თავრობის ადმინისტრაციის მიერ რამდენიმე წუთის წინ გავრცელებული ინფორმაციით საქართველოსა და თურქეთის პრემიერმინისტრებს შორის სატელეფონო საუბარი შედგა.
გიორგი კვირიკაშვილმა ბინალი ილდირიმს და თურქ ხალხს დაღუპულთა გამო სამძიმარი გამოუცხადა.
საქართველოს პრემიერის თქმით, ძლიერი და დემოკრატიული თურქეთი რეგიონში განვითარებისა და სტაბილურობისთვის მნიშვნელოვანია და კიდევ ერთხელ გამოუცხადა მხარდაჭერა თურქეთის დემოკრატიულად არჩეულ ხელისუფლებას.
ორი ქვეყნის პრემიერმინისტრებმა ანკარაში ხვალისთვის დაგეგმილი საქართველო-თურქეთის მაღალი დონის სტრატეგიული თანამშრომლობის საბჭოს პირველი სხდომის გამართვისთვის მზადყოფნა გამოთქვეს.