თურქეთში სახელმწიფო გადატრიალების მცდელობის ჩავარდნის შემდეგ ეპიზოდურად გრძელდება შეტაკებები სამართალდამცველებსა და ამბოხებულთა მომხრეებს შორის.
„როიტერის“ ცნობით, დღეს ორი ასეთი შეტაკება მოხდა, ერთი სტამბოლის საბაჰი გეგჩენის სახელობის აეროპორტში , როცა თურქეთის პოლიცია ცდილობდა ეჭვმიტანილ პირთა დაკავებას და დაუმორჩილებლობის გამო მათი მიმართულებით გამაფრთხილებელი ცეცხლი გახსნა. იყო საპასუხო ცეცხლიც, რის შემდეგაც პოლიციამ შეძლო წინააღმდეგობის გამწევთა უმსხვერპლოდ აყვანა.
ძალოვანებსა და მეამბოხეებს შორის შეტაკება მოხდა თურქეთის ქალაქ ქონიას სამხედრო ავიაბაზაზეც. დაპატიმრებულია 7 ადამიანი. ამ ციფრს Daily Sabah – ი ასახელებს.
ხელისუფლება აცხადებს, რომ აეროპორტშიც და აეროდრომზეც სიტუაცია სრულად ექვემდებარება მის კონტროლს .