საქართველოს პრეზიდენტმა გიორგი მარგველაშვილმა აჭარის მთავრობის თავმჯდომარეობის კანდიდატი ზურაბ პატარაძე რწმუნებულად დანიშნა.
„ ამასთან გადაყენებულია მთავრობაც. აჭარის კონსტიტუციაში არის მუხლი, რომელიც იძლევა შესაძლებლობას, რომ საქართველოს პრეზიდენტმა მთავრობასთან შეთანხმებით დანიშნოს თავისი რწმუნებული რეგიონში, როცა ავტონომიური რესპუბლიკის მთავრობა უფლებამოსილების მიღმა რჩება. აქედან გამომდინარე, გამოყენებულია მუხლი, რომელიც ითვალისწინებს არა მარტო რწმუნებულის, არამედ მისი აპარატის დანიშვნას და შესაბამისად მთავრობის გადაყენებასაც.”, – განმარტავს აწარის უმაღლესი საბჭოს იურიდიულ და საპროცედურო საკითხთა კომისიის თავმჯდომარე თემურ კახიძე ,,ბათუმელების ჟურნალისტთან საუბარში.
მისივე თქმით, რწმუნებული ორი თვის ვადით არის დანიშნული. ამ დროში უნდა მოხდეს პოლიტიკური შეთანხმება, ან უნდა აირჩიონ ახალი მთავრობა ან უმაღლესი საბჭო იქნება დათხოვნილი და გამოცხადდება საპრეზიდენტო საბჭო. აქედან გამომდინარე, რწმუნებული მიიყვანს არჩევნებამდე პროცესს და ამის შემდეგ თავისთავად გაირკვევა, ვინ იქნება ახალ მთავრობაში.