სწავლის გაგრძელების უფლება გაუუქმდა ოთხი ათასამდე სტუდენტს. განათლების სამინისტროსთან ახალგაზრდების საპროტესტო აქცია გაიმართა . აქციის მონაწილედები მინისტრ ალექსანდრე ჯეჯელავასთან შეხვედრას ითხოვდნენ. მათი განცხადებით, განათლების ხარისხის განვითარების ეროვნული ცენტრის მიერ საზღვარგარეთ სწავლის დამადასტურებელი დოკუმენტი გაცემულია, თუმცა სტუდენტებს სწავლის გაგრძელების უფლება არ ეძლევათ.
თემას მინისტრი ალექსანდრე ჯეჯელავა გამოეხმაურა.
"ჩვენ , დავადგინეთ, რომ იმ ქვეყანაში სადაც სწავლობ, დროის რაღაც რაოდენობა უნდა გქონდეს გატარებული, ანუ ფაქტიურად შემოვიღეთ კონტროლი იმაზე, მართლა სწავლობდა ეს ადამიანი იმ ქვეყანაში თუ არა. უმეტეს შემთხვევაში, ამ ბავშვების შემთხვევაში აღმოჩნდა, რომ საერთოდ არ ყოფილან ან ყოფილან ძალიან ცოტა ხნით“ – განმარტა განათლებისა და მეცნიერების მინისტრმა, ალექსანდრე ჯეჯელავამ.