"დღეს არ ვისაუბრებ იმ ქმედებებზე, რომელიც "ქართულმა ოცნებამ" განახორციელა ჩემი კანდიდატურის წინააღმდეგ. ეს საკითხი შევა როგორც ერთ-ერთი ქრესტომათიული მაგალითი ამ ასამბლეის ისტორიაში, შეიძლება სხვაგანაც, როგორ არ უნდა იქცეოდეს ხელისუფლება", – განაცხადა გიგ წერეთელმა ჟურნალისტებთან საუბარში ევროპარლამენტის ასამბლეის პრეზიდენტის პოსტზე კენჭისყრის დასრულების შემდეგ – მთავარი ჩემთვის ერთი რამაა, რომ ეს ასამბლეა წარმატებით დასრულდა. ძალიან ბევრი ადამიანი, ვინც აქ ჩამოვიდა, კმაყოფილია. მე მიხარია, რომ ჩემი ქვეყნისთვის ეს იყო კარგი ამბავი, შეიძლებოდა ყოფილიყო უკეთესი ამბავიც საქართველოსთვის, მაგრამ ჩვენმა სახელისუფლებო გუნდმა სხვანაირად იფიქრა. მე დღეს გამოვხატე ჩემი განწყობა, მივულოცე კანდიდატებს. დიდი მხარდაჭერა მქონდა, მეორე ტური გაიმართა. სამწუხაროდ, ბევრი ჩემი მხარდამჭერი გუშინ წავიდა – აშშ-ს, გერმანიის და სხვა დელეგაციებიდან, მათ მოუხდათ რეისების გადაცვლა. ამიტომ მე ვიცოდი, რომ მეორე ტური რთული იქნებოდა. ამას დაემატა გარკვეული სამუშაო, რომელმაც როგორ იმოქმედა, ამის ანალიზს გავაკეთებ, მაგრამ ჩემთვის მთავარია რეზოლუცია, რომელიც ჩვენ მივიღეთ და ასამბლეა, რომელიც ჩავატარეთ".
გიგი წერეთელი თავის გეგმებზე უარს არ ამბობს და არ გამორიცხავს ასამბლეის პრეზიდენტის პოსტზე მომავალშიც იყაროს კენჭი