ზუგდიდში ახალი ვირუსის "დენგეს" შემთხვევა დაფიქსირდა

საქართველოში ინფექციური ტრანსმისიური დაავადება დენგე დაფისირდა. ზუგდიდის ინფექციურ საავადმყოფოში აცხადებენ, რომ აღნიშნული ვირუსის დიაგნოზით აქ ინდოეთის მოქალაქეა მოთავსებული, რომელიც საქართველოში რამდენიმე დღის წინ ჩამოვიდა და ენგურჰესზე მაღალი ძაბვის ელექტროგადამცემი ხაზების მოტაჟს ახორციელებდა.უცხო ქვეყნის მოქალაქე კლინიკაში მაღალი ტეპერატურით, ძლიერი თავის ტკივილებით, კუნთებისა და სახსრების ტკივილებით შეიყვანეს.დაავადებათა კონტროლის ეროვნული ცენტრის წარმომადგენელი ნანა ოდიშარია ვირუსის გავრცელების შესახებ ინფორმაციას ადასტურებს, და ამბობს, რომ საქართველოში ეს ვირუსი პირველად დაფიქსირდა.დაავადების გამომწვევია რნმ შემცველი არბოვირუსი, რომლის გადამტანიც კოღოებია. ინფექციის წყაროს კი წარმოადგენს ავადმყოფი ადამიანი, ასევე მაიმუნები და ღამურები. დენგეს ცხელებით ეპიდემიურ კერებში უპირატესად ავადობენ ბავშვები და ჩასული არაიმუნური პირები. დაავადებას ახასიათებს სეზონურობა, განსაკუთრებით კი დაკავშირებულია წვიმიან პერიოდთან. დენგეს კლასიკური ფორმა რეგისტრირდება ტროპიკულ და სუბტროპიკულ რაიონებში.

ზუგდიდში ახალი ვირუსის “დენგეს” შემთხვევა დაფიქსირდა

სიახლეები

უკრაინელების დრონების გამო, სარატოვსა და სამარაში “დაცხა”

დობროპოლიეს მიმართულებაზე ოკუპანტები მასობრივად ნებდებიან

სამოქალაქო აქტივისტი ნიკა ნარსია დააკავეს

რუსთავში ნარკოდანაშაულზე ერთი პირი დააკავეს, ამოღებულია დიდი რაოდენობით “ალფა პვპ”