გუშინ მარტვილის რაიონის სოფელ დიდ ჭყონში საქორწილო სუფრასთან პოლიციის განყოფილების ყოფილ უფროსსა და 23 წლის ახალგაზრდას გიორგი კობახიძეს შორის დაპირისპირება მოხდა. სიტყვიერის შეხლა – შემოხლა ბოლოს ფიზიკურ დაპირისპირებაშიც გადაიზარდა, შედეგად სამართალდამცავებმა გიორგი კობახიძე დააკავეს და სენაკის წინასწარი დაკავების იზოლატორში გადაიყვანეს, სადაც იგი ამ დრომდე რჩება. პოლიციის ყოფილი უფროსი კი ამ დრომდე არ დაუკავებიათ.
დაკავებულის მამა დაპირისპირების პოლიტიკურ მოტივზე საუბრობს და აცხადებს, რომ მის შვილს განყოფილებაში ფიზიკურადაც გაუსწორდნენ.
თავად სამართალდამცავები ცემის ფაქტს უარყოფენ.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 125-ე, ცემის მუხლით მიმდინარეობს.