ნიდერლანდების ულტრამემარჯვენე „თავისუფლების პარტიის“ ლიდერი გერტ ვილდერსი ევროკავშირში ნიდერლანდების წევრობის საკითხზე რეფერენდუმის ჩატარების ინიციატივით გამოდის.
პოლიტიკოსმა ბრიტანელებს „დამოუკიდებლობა“ მიულოცა და განაცხადა, რომ ანალოგიური რეფერენდუმი ნიდერლანდებშიც არის საჭირო.
„გაუმარჯოს ბრიტანეთს, ახლა ჩვენი ჯერია! მოვიდა დრო ნიდერლანდებში ჩავატაროთ რეფერენდუმი“, – განაცხადა ულტრამემარჯვენე პოლიტიკოსმა.
თავის მხრივ, საფრანგეთის „ეროვნული ფრონტის“ ლიდერმა მარინ ლე პენმა განაცხადა, რომ რეფერენდუმი ევროკავშირის სხვა ქვეყნებშიც უნდა ჩატარდეს.
ბოლო მონაცემებით, დიდ ბრიტანეთში ქვეყნის ევროკავშირიდან გასვლის მომხრეებმა გაიმარჯვეს.