დემოკრატიული ჩართულობის ცენტრში ნარკოპოლიტიკასთან დაკავშირებულ საკითხებზე პოლიტიკური პარტიების წარმომადგენლებთან შეხვედრა გაიმართა,შეხვედრის მიზანია პოლიტიკური პარტიების პასუხისმგებლობის გაზრდა და ამომრჩევლის ინფორმირება მათ მიდგომებზე.დღეს არსებულ ნარკოპოლიტიკასა და ნარკოტიკების მომხმარებელზე ორიენტირებული ჯანდაცვისა და სოციალური პროგრამების ხელმისაწვდომობაზე ისაუბრეს საიას ზუგდიდის ოფისის ხელმძღვანელმა და ასოციაცია „ქსენონის“ წარმომადგენელმა.პოლიტიკური პარტიების წარმომადგენლებმა საკუთარი მოსაზრებები გამოთქვეს და ისაუბრეს იმ ცვლილებებზე, რომლებსაც ხელისუფლებაში მოსვლის შემთხვევაში განახორციელებენ.დისკუსიაში მონაწილეობდნენ სამთავრობო და არასამთავრობო სექტორის, საზოგადოებრივი ჯანდაცვისა და სამოქალაქო საზოგადოების აქტიური წევრები.შეხვედრას ფასილიტაცია გაუწია ზუგდიდის დემოკრატიული ჩართულობის ცენტრის კოორდინატორმა ეკა მინჯორაიამ.