დღეს თბილისში ტარდება ამერიკა-საქართველოს სტრატეგიული პარტნიორობის კომისიის დემოკრატიისა და მმართველობის სამუშაო ჯგუფის მორიგი შეხვედრა
“შეხვედრაზე საუბარი იქნება ქვეყანაში მიმდინარე დემოკრატიზაციის პროცესებზე. ძირითადი აქცენტი გაკეთდება მოახლოებულ საპარლამენტო არჩევნებზე და იმაზე თუ როგორ ემზადება ქვეყნის ხელისუფლება საპარლამენტო არჩევნების დემოკრატიულად და კონკურენტულ გარემოში ჩატარებისთვის,“ – აცხადებს საქართველოს საგარეო საქმეთა მინისტრის პირველი მოადგილე დავით ზალკალიანი.
ჯგუფს ქართული მხრიდან საგარეო საქმეთა და იუსტიციის მინისტრების პირველი მოადგილეები უხელმძღვანელებენ. ამერიკის მხრიდან კი შეხვედრის თანათავმჯდომარეთა შორის იქნებიან სახელმწიფო მდივნის თანაშემწის მოადგილე ბრიჯიტ ბრინკი და ევროპისა და ევრაზიის საკითხებში USAID-ის ადმინისტრატორის თანაშემწე თომას მელია.