"ეს არის უზარმაზარი დარტყმა არჩევნების ლეგიტიმურობაზე“- ასე შეაფასა ნაციონალური მოძრაობის ერთ-ერთმა ლიდერმა, დავით ბაქრაძემ NDI-ის ანგარიში.
ოპოზიციაში აცხადებენ, რომ დასკვნა არის კრიტიკული, რაც საფრთხეს უქმნის არჩევნების ლეგიტიმურობას და ხარისხს.
"იმ პირობებში, როდესაც მოძალადეები არ არიან დასჯილები, როდესაც ქართული ოცნების პოლიტიკურ ხელმძღვანელობას ვხედავთ, რომლებიც ღიად ამართლებენ ძალადობას, ცდილობენ, გამართლება მოუძებნონ მოძალადეების მოქმედებას, ასეთ პირობებში გამორიცხული ვერაფერი იქნება,“- განაცხადა დავით ბაქრაძემ.
მმართველ გუნდში NDI-ის ანგარიშში მოყვანილი ფაქტების ნაწილს არ იზიარებენ. პარლამენტის ვიცე-სპიკერმა, მანანა კობახიძემ არაფორმალურ მმართველობაზე გაამახვილა ყურადღება.
„ეს არის ის ქვეტექსტი, რომელსაც ნაციონალური მოძრაობა ბატონი ბიძინა ივანიშვილის პრემიერობიდან წასვლიდან დღიდან აჟღერებს, ის რაც სურს, რომ მოაჩვენონ ეს რეალობა საერთაშორისო პარტნიორებსა და ასევე ქვეყნის შიგნით,“- განაცხადა კობახიძემ.