დღეს უკანასკნელ გზაზე გააცილეს თბილისში13 ივნისს სტიქიის შედეგად დაღუპული მარიამ ქუთელია და დები ინდირა და ლიზა ზარანდიები. მარიამ ქუთელია მამის გვერდით მშობლიურ ზუგდიდში, დები ზარანდიები კი ხობის მუნიციპალიტეტის სოფელ გურიფულში დაკრძალეს.
გოგონების დაკრძალვის ხარჯები სახელმწიფომ გაიღო. მთავრობამ დაღუპულთა ოჯახებს10 ათასი ლარი ჩაურიცხა.დანარჩენი ხარჯები ხობისა და ზუგდიდის ადგილობრივმა ხელისუფლებამ დაფარა.
გოგონები უკანასკნელ გზაზე ახლობლებთან და ფართო საზოგადოებასთან ერთად გააცილეს განათლების მინისტრმა თამარ სანიკიძემ, გარემოს დაცვის მინისტრმა გიგლა აგულაშვილმა, სოფლის მეურნეობის მინისტრმა ოთარ დანელიამ, ლტოლვილთა და განსახლების მინისტრმა სოზარ სუბარმა და საქართველოს პარლამენტის წევრებმა.