„მიხეილ სააკაშვილი მსხვილ პოლიტიკურ ფიგურად დარჩება კიდევ დიდხანს და საქართველოშიც დაბრუნდება“,-აღნიშნულის შესახებ „ნაციონალური მორაობის“ ერთ-ერთმა ლიდერმა, გიგა ბოკერიამ საზოგადოებრივი მაუწყებლისა და რადიო “თავისუფლებას” ერთობლივი პროექტის, გადაცემა “ინტერview”-ს ეთერში განაცხადა.
ბოკერია დარწმუნებულია, რომ როდესაც „ივანიშვილის რეჟიმი არჩევნებში დამარცხდება, მიხეილ სააკაშვილს საქართველოში ჩამოსვლის შესაძლებლობა მიეცემა“.
„ნაციონალური მოძრაობა“ არის პარტია, რომელსაც აერთიანებს ძალიან ფუნდამენტური პოლიტიკური შეხედულებები საქართველოს მომავალთან დაკავშირებით. რა თქმა უნდა, ყველა პოლიტიკუი დევნილი ციხიდანაც გათავისუფლდება და საქარველოში ჩამოსვლის შესაძლებლობაც მიეცემა. როდესაც ივანიშვილის რეჟიმი არჩევნებში დამარცხდება, რა თქმა უნდა, მიხეილ სააკაშვილსაც მიეცემა საქართველოში ჩამოსვლის შესაძლებლობა, ამაზე ორი აზრი არ არსებობს.
2012 წელს არჩევნებში მარცხის შემდეგ „ნაციონალურ მოძრაობაში“ შიგნით დაიწყო პარტიის შიდა რეფორმირება და პარტიამ გადადგა ჩვენს უახლოეს ისტორიაში საკმაოდ უპრეცედენტო ნაბიჯები. ეს რეფორმა არაა დასრულებული, მაგრამ ეს გულისხმობს კოლექტიურ მართვაზე გადასვლას. პოლიტიკური გადაწყვეტილებები ახლა მიიღება პოლიტიკურ საბჭოში, მეორე ისეთ მნიშვნელოვან საკითხებზე, როგორიცაა მაგალითად საარჩევნო სიიის ფორმირება.
მიხეილ სააკაშვილმა სწორედ ამაზე ისაუბრა, რომ „ნაციონალური მოძრაობა“ არ არის ერთი ბელადის, ან თუნდაც რამდენიმე ლიდერის პარტია. ეს არის პარტია იმ ადამიანების, რომლებიც ამ პარტიის ნაწილად თვიან თავს. ბუნებრივია, ამ პარტიაში არიან მსხვილი, საშუალო, დამწყები ლიდერები და ეს ყველაფერი დინამიკაშია. მიხეილ სააკაშვილი მსხვილ პოლიტიკურ ფიგურად დარჩება კიდევ დიდხანს და საქართველოშიც დაბრუნდება“,-განაცხადა ბოკერიამ.