სამაუწყებლო კომპანია რუსთავი 2-ის იურისტები სააპელაციო სასამართლოს გადაწყვეტილებას გაასაჩივრებენ. 

„დღეიდან 21 დღიდან 30 დღის შუალედში ჩვენ უნდა ჩავიბაროთ სააპელაციო სასამართლოს დასაბუთებული გადაწყვეტილება. ამის შემდეგ ჩვენ გვექნება 21 დღე გადაწყვეტილების საკასაციო წესით გასაჩივრებისთვის და უზენაესი სასამართლო იმსჯელებს უკვე დასაშვებობის საკითხზე.

აშკარაა, რომ ჩვენს საქმეზე არსებობს დასაშვებობის ყველა კრიტერიუმი და არ არსებობს მისი დაუშვებლად ცნობის წინაპირობა. სწორედ ამიტომ  იმედი მაქვს საქართველოს უზენაესი სასამართლო დასაშვებად ცნობს ჩვენს საკასაციო საჩივარს და განიხილავს რუსთავი 2-ის საქმეს,“ – განაცხადა რუსთავი 2-ის ადვოკატმა დიმიტრი საძაგლიშვილმა.