განცხადება, რომელმაც მედიაექსპერტებისა და პოლიტიკოსების კრიტიკა დაიმსახურა, „ქართული ოცნების“ დეპუტატმა ზაქარია ქუცნაშვილმა გადაცემა „არჩევანის“ ეთერში გააკეთა.„2012 წელს იყო არა ერთი „რუსთავი 2“, არამედ ბევრი „რუსთავი 2“ და მაშინ დაგამარცხეთ თქვენ და თქვენი პარტია. ჩვენ ვაპირებთ, გავიმეოროთ ეს წარმატებული ისტორია და უკვე ერთი პარტია და ერთი „რუსთავი 2“ დავამარცხოთ 2016 წელს. თქვენს დამოუკიდებლობას პატივს ვცემთ, მაგრამ მიმაჩნია, რომ ხართ მიკერძოებულები“, – განაცხადა დეპუტატმა. განცხადებამ გადაცემაში კამათი გამოიწვია.