დღეს ზუგდიდის იუსტიციის სახლში სამეგრელო-ზემო სვანეთის სამხარეო ადმინისტრაციის წარმომადგენლები იმ საკანონმდებლო ცვლილებებს გაეცნენ, რომლის შედეგადაც მოსახლეობა მიწას ბარიერების გარეშე დაირეგისტრირებს. ცვლილებები შეხვედრის მონაწილეებს  იუსტიციის მინისტრმა თეა წულუკიანმა გააცნო. მინისტრის განცხადებით ახალი ინიციატივები უძრავი ქონების რეგისტრაციის პროცედურების გამარტივებასა და მესაკუთრის უფლებების დაცვაზე იქნება ორიენტირებული.იუსტიციის მინისტრის განცხადებით, სახელმწიფო პროექტის ფარგლებში ჩატარებული სამუშაოები უსასყიდლოდ შესრულდება, მიწის რეგისტრაცია ან ნაკვეთზე საკუთრების უფლებებში ცვლილება საჯარო რეესტრის მომსახურების საფასურის გარეშე განხორციელდება