ქალაქ ზუგდიდის მერიის ინფორმაციით,"ქართუ ჯგუფმა" ზუგდიდის ბოტანიკურ ბაღს 2 ძირი იშვიათი სახეობის სპილოს პალმა გადასცა საჩუქრად. ესპანეთიდან ჩამოტანილი ძვირადღირებული პალმები დადიანების სასახლეთა ისტორიულ-არქიტექტურული კომპლექსის ეზოში დაირგო.
ტიტას თავგადასავლის შემდეგ სავსებით ლოგიკურია კითხვა, რომელსაც მოქალაქეთა დიდ ნაწილს აღუძრავს ეს ამბავი – ხომ არ მოითხოვს სანაცვლოდ რამეს იგივე ბაღიდან ,,ქართუ ბანკის,, უკან მდგარი №1 მებაღე , მით უფრო, რომ მედიაში გავრცელებული ცნობით, ზუგდიდში ყოფნისას მან აშკარა ინტერესი გამოხატა დადიანების მამულში მდგარი 3 უნიკალური ჯიშის ხის მიმართ. ,,ჭიჭე ძღვინ, სო მეურქია დო დიდ ძღვინშავა'' ( პატარა ძღვენო, სად მიდიხარო და დიდი ძღვენისთვისო), ამბობს მეგრული ანდაზა. იგივე მოქალაქეები აცხადებენ, რომ, თუ ვინმეს აქვს ეს ცდუნება, ჯობს დაძლიოს, რადგან დადიანების ბაღიდან ერთ ხესაც ვერავინ წაიღებს ხალხის ნებართვის გარეშე -,, თვით პატონ დადია (დავით დადიანიც) რომ ადგეს საფლავიდან და მოინდომოს ეს.''