გიორგი კვირიკაშვილი რესპუბლიკელი მინისტრების მთავრობის შემადგენლობაში დარჩენაზე განმარტებებს აკეთებს და საკითხის ცივილურად გადაწყვეტის მოლოდინი აქვს.საარჩევნო კამპანიის მოახლოებასთან ერთად პრემიერი ვარაუდობს, რომ მინიტრები, კამპანიაში ჩართვის შემთხვევაში, პოსტის დატოვების შესახებ თავად მიიღებენ გადაწყვეტილებას. ამავე დროს, გიორგი კვირიკაშვილი ვარშავის სამიტზე თინა ხიდაშელის დასწრების აუცილებლობაზეც საუბრობს.„ბუნებრივია, რომ წინასაარჩევნო კამპანიაში აქტიური ჩართულობა მოითხოვს, სავარაუდოდ, მათი მხრიდან მინისტრის პოსტების დატოვებას. თუმცა, თავდაცვის მინისტრი უნდა გაემგზავროს ვარშავის სამიტზე. მთელი ეს მოსამზადებელი პერიოდი ჩვენ ერთად გავიარეთ და მისი დასწრება ვარშავის სამიტზე მნიშვნელოვანია. ამის შემდეგ ვისაუბროთ ამაზე და ცივილიზებულად გადავწყვეტთ ამ საკითხს,“ – განაცხადა გიორგი კვირიკაშვილმა.