ვეფხვი, როელმაც "ლაგუნა ვერეს" მიმდებარე ტერიტორიაზე ადამიანი დაგლიჯა, ლიკვიდირებულია დასაწყობის ტერიტორიიდან გატანილი.
გარდაცვლილი შუახნის მამაკაცია. სავარაუდოდ, იმ საწარმოს თანამშრომელია, რომელშიც მტაცებელი 3 დღის განმავლობაში იმალებოდა.
ის რესპუბლიკურ საავადმყოფოში გადაიყვანეს, თუმცა მისი მდგომარეობა იმდენად მძიმე იყო, რომ მისი გადარჩენა ვეღარ მოხერხდა.. ყოფილ აბრეშუმის ფაბრიკაში მუშები საწყობის პირველ სართულს ალაგებდნენ მაშინ, როდესაც ეს შემთხვევა მოხდა.
"7 მუშა იყო შესული დასალაგებლად. იქ არის პატარ-პატარა ოთახები და ერთ-ერთი ოთახიდან გამოვარდა თეთრი ვეფხვი, რომელმაც ერთი ადამიანი დაგლიჯა. დაღუპულს ყელი აქვს გამოგლეჯილი", – აცხადებენ თვითმხილველები.
ადგილზე მობილიზებული იყო შინაგან საქმეთა სამინისტროს სპეცრაზმი. ადგილზე იმყოფებოდნენ შინაგან საქმეთა მინისტრი ვახტანგ გომელაური, კრიზისების მართვის საბჭოს ხელმძღვანელი მინდია ჯანელიძე, თბილისის მერის დავით ნარმანია. ადგილზე ასევე იმყოფებოდა ზოოპარკის დირექტორი ზურაბ გურიელიძე.