"ერთიან ნაციონალურ მოძრაობაში" აცხადებენ, რომ პარტიის საარჩევნო  სიის პრეზენტაცია დღეს დაგეგმილ  პრესკონფერენციაზე მოხდება, იგი, სავარაუდოდ, დღის მეორე ნახევარში გაიმართება.

პარტიის ლიდერებმა პოლიტსაბჭოს გუშინდელი სხდომის დასრულების შემდეგ გაკეთებულ განცხადებებში დაადასტურეს, რომ საარჩევნო სიის პირველი ნომერი საპარლამენტო უმცირესობის ლიდერი დავით ბაქრაძე იქნება, თუმცა სიის პირველი ათეულის შემადგენლობაში შემავალ სხვა პირებზე  არაფერი უთქვამთ.  

შეგახსენებთ რუსთავი 2 – ის მიერ გავრცელებულ ინფორმაციაში ნათქვამია, რომ  სიის პირველ ათეულში  სავარაუდოდ იქნებიან : 1. დავით ბაქრაძე; 2. ელენე ხოშტარია; 3. რომან გოცირიძე; 4. ნიკა მელია; 5. გიორგი ტუღუში; 6. ოთო კახიძე; 7. სალომე სამადაშვილი; 8. ირაკლი აბესაძე; 9. სერგი კაპანაძე და 10. სერგო რატიანი.