ქართველი მწერლის და საზოგადო მოღვაწის კონსტანტინე გამსახურდიას 123 -ე საიუბილეო წლისთავთან დაკავშირებით საქართველოს რესპუბლიკური პარტიის ინიციატივით და ორგანიზებით ზუგდიდში, დადიანების ისტორიული სასახლის ეზოში მიღება მოეწყო, რომელსაც რესპუბლიკური პარტიის თავმჯდომარე ხათუნა სამნიძე პარტიის ზუგდიდის ორგანიზაციის ხელმღვანელთან გიორგი თოდუასთან და პოლიტიკური ორგანიზაციის წევრებთან და მხარდამჭერებთან ერთად დაესწრო. მიღებაზე, სიტყვით გამოსვლისას პარტიის ლიდერებმა და მოწვეულმა სტუმრებმა კონსტანტინე გამსახურდიას პიროვნებაზე, მის შემოქმედებაზე და იმაზე ისაუბრეს თუ რამდენად მნიშვნელოვანია პარტიისთვის მისი ინტელექტუალური მემკვიდრეობა და ქვეყნის დასავლურ განვითარებაში შეტანილი წვლილი.
"საქართველოს რესპუბლიკური პარტიის" ზუგდიდის ორგანიზაციის ხელმძღვანელის გიორგი თოდუას განცხადებით, უახლოეს პერიოდში დაიწყება ინიციატივის გაჟღერება და მუშაობა ზუგდიდში კონსტანტინე გამსახურდიას მემორიალის განსათავსებლად.
საზეიმო მიღებამდე რესპუბლიკური პარტიის ლიდერებმა ზუგდიდში, ცენტრალური ბულვარის მიმდებარე ტერიტორიაზე ზვიად გამსახურდიას ძეგლი გვირგვინით შეამკეს.