დღეს, ნაშუადღევს ზუგდიდში უმნიშვნელო პაუზებით წამოვიდა ძლიერი წვიმა დასავლეთის ქარის თანხლებით.  გარემოს ეროვნული სააგენტოს გაცხადებით ასე გაგრძელდება ხვალაც, რადგან მომდევნო კვირის პროგნოზებით ამინდები არამდგრადი იქნება მთელ საქართველოში. 

16 მაისს როგორც დასავლეთ, ისე აღმოსავლეთ საქართველოში მოსალოდნელია გრილი და ნოტიო ჰაერის მასების გავრცელება, წვიმა, ზოგან ძლიერი, და სეტყვა. იქროლებს დასავლეთის ქარი10-15 მ/წ, ზოგან ძლიერი- 20-25 მ/წ. ასევე, ცალკეულ მდინარეებზე შესაძლებელია წყლის დონის მატება.

ჰაერის ტემპერატურა კოლხეთის დაბლობზე იქნება ღამით- 13-18 ^OC, დღისით-18-23^OC. აღმოსავლეთ საქართველოს უმეტეს რაიონში მოსალოდნელია წვიმა და ელჭექი, ზოგან ძლიერი და სეტყვა. ჰაერის ტემპერატურა ბარში იქნება ღამით- 13-18 ^OC, დღისით- 20-25 ^OC, მთაში ღამით- 7-12 ^OC, დღისით- 16-21 ^OC, მაღალ მთაში ღამით- 4-9 ^OC, დღისით- 10-15 ^OC. თბილისში ჰაერის ტემპერატურა დღეს ღამით16 ^OC იქნება, ხვალ კი- 22 ^OC.
საქართველოს მასშტაბით17 მაისიდან ჰაერის ტემპერატურა მცირედით მოიმატებს, თუმცა დრო გამოშვებით იწვიმებს.