,,ქართული ოცნების'' რიგით მე-4 ყრილობამ სულ რაღაც ნახევარ საათს გასტანა. ყრილობაზე ქართული ოცნების თავმჯდომარედ არჩეულ იქნა გიორგი კვირიკაშვილი და წარმოდგენილ იქნა პოლიტიკური საბჭოს განახლებული შემადგენლობა .
ყრილობამ ერთხმად დაუჭირა მხარი პოლიტიკურ საბჭოს განახლებულ ვარიანტს . საბჭოს 21წევრს შორის არიან პარტიის გენერალური მდივანი კახა კალაძ და სხვა ძველი სახეები: გიორგი ვოლსკი, მანანა კობახიძე, ეკა ბესელია, ირაკლი სესიაშვილი, ირაკლი ტრიპოლსკი, თემურ ჭკუასელი, დავით საგანელიძე, ნოდარ ხადური, ზვიად კვაჭანტირაძე, გედევან ფოფხაძე, ირაკლი კობახიძე და თავად გიორგი კვირიკაშვილი. მათ დღეს შეუერთდნენ ახალი წევრები : დავით ბაქრაძე, დავით კოღუაშვილი, მამუკა მდინარაძე, ირინე ფრუიძე, რომან კაკულია, სოფიო კილაძე, აკაკი ზოიძე და ზვიად გონაძე. ყრილობაზე არ დასახელებულა კოალიციის საარჩევნო სიის არც ერთი წევრი – როგორც ბიძინა ივანიშვილმა განაცხადა, იგი უახლოეს დღეებში გეგმავს გამოქავეყნოს წერილი, რომელშიც გამოთქვამს თავის მოსაზრებებს არჩევნებშო ქართული ოცნების მონაწილეობასთან დაკავშირებით.