დღეს ზუგდიდის რაიონულ სასამართლოში განახლდა ყაჩაღობის და იარაღის უკანონოდ შენახვის ბრალდებით დაკავებული ოთხი პირის საქმის განხილვა, რომელიც 11 მაისს გადაიდო.  სასამართლომ გამამართლებელი განაჩენი  გამოიტანა  სენაკის მუნიციპალიტეტის სოფელ ლეძაძამეში მცხოვრები ძმების ჯოჯუებისა და ჩაგანავების მიმართ და ოთხივე დაკავებული სასამართლო დარბაზიდან გაათავისუფლა.  ეს გადაწყვეტილება მიღებულ იქნა  იმ მოტივით, რომ სასამართლომ  არასაკმარისად მიიჩნია ბრალდების მხარის მიერ წარდგენილი მტკიცებულებები და გაიზიარა ბრალდებულთა ადვოკატების  პოზიცია საქმეში  არსებული  დარღვევების შესახებ.  

დღევანდელ პროცესს წინ უძღოდა დაკავებულთა მშობლებისა და ახლობლების საპროტესტო აქცია, რომელიც 11 მაისს გაიმართა სასამართლოს შენობასთან, აქციის მონაწილეები აცხადებდნენ, რომ მათი შვილები უ7 თვის მანძილზე უსაფუძვლოდ ყავდათ  დაკავებული და  მათზე ხორციელდებოდა ზეწოლა აღიარებითი ჩვენების მიღების მიზნით. 

.ძმები ჯოჯუები და  ჩაგანავები შარშან , ოქტომბერში დააკავეს ყაჩაღობის და იარაღის უკანონო შენახვის ბრალდებით.