დღეს დილით ზუგდიდის ბაზრის გარეპერიმეტრზე გარემოვაჭრეებს თავიანთი დახლები ადგილზე არ დახვდათ. ეს ის დახლებია, რომელთა შენარჩუნებისათვის გარემოვაჭრეები უკვე წელიწადზე მეტია პერიოდულ საპროტესტო აქციებს მართავენ. ადგილობრივი ხელისუფლების გადაწყვეტილებით მათ დიდი ხანია აეკრძალათ მუშაობა ბაზრის გარე ტერიტორიაზე, თუმცა გარემოვაჭრეები ამ აკრძალვას მათი საჭიროებების იგნორირებით ხსნიან და ვაჭრობას დღემდე აგრძელებდნენ.
დახლების აღებას გარემოვაჭრეთა პროტესტის ახალი ტალღა მოყვა – საპროტესტო აქციაზე შეკრებილები აღშფოთებას გამოთქვამენ იმის გამო, რომ მათი თქმით, ხელისუფლებას ისინი დახლების აღების შესახებწინასწარ არ გაუფრთხილებია, ამასთან აცხადებენ, რომ გადაწყვეტილებას უკანონოა და გარევაჭრობის უფლებას ითხოვენ. ,, სხვაგვარად ოჯახებს ვერ ვარჩენთ, ყველას სესხები გვაქვს აღებული'' – განმარტავენ ისინი.
გარემოვაჭრეები მერთან შეხვედრას მოითხოვენ.