ახალის სტილით 6 მაისს) მართლმადიდებლური ეკლესია აღნიშნავს წმინდა დიდმოწამის გიორგის ხსენების დღეს.ეკლესია წმიდა გიორგის ხსენებას დღესასწაულობს ორჯერ: 23 აპრილს (6 მაისს) – წმინდანის აღსრულების დღეს და 10 (23) ნოემბერს – მისი ბორბალზე წამების დღეს (ამ უკანასკნელ დღესასწაულს ქართული ეწოდება, რადგან საქართველოდან გადავიდა სხვა ადგილობრივ ეკლესიებში).ჩვენს ქვეყანაში ყველაზე ხშირად აღინიშნება წმინდა გიორგისადმი მიძღვნილი დღესასწაულები. უამრავ ადგილას – ქალაქებში, სოფლებში, უდაბნო ადგილებში აღმართული იყო წმინდა გიორგის სალოცავი. ახლაც შენდება მის სახელზე ტაძრები საქართველოში. წმინდა გიორგის სადიდებელი ჰიმნებით თუ მის მიერ აღსრულებული სასწაულების აღწერით ძალიან მდიდარია არა მარტო ჩვენი საეკლესიო მწერლობა, არამედ ქართული ფოლკლორიც. ქართველებს სწამდათ, რომ წმინდა გიორგი გაჭირვების ჟამს ეხმარებოდა ჩვენს მხედრობას ბრძოლებში. წმინდა გიორგი ითვლება მეომარ რაინდთა მფარველად. მას მიმართავენ ადამიანები თავის დაცვისა და განსაცდელიდან გამოხსნის მიზნით.გიორგობის დღესთან დაკავშირებით ზუგდიდის ვლაქერნის ხატის სახელობის საკათერდო ტაძარში წირვა ტაძრის წინამძღვარმა, დეკანოზმა მალხაზ ჭანტურიან აღავლინა.