მარტვილის რაიონის, სოფელ კურზუში მკვლელობა მოხდა  – მოკლულია 30 წლის მამაკაცი, აფხაზეთის მთავრობის პირადი დაცვის ოფიცერი, რომელიც სოფელში რამდენიმე დღით იყო ჩასული. გარდაცვლილს სასიკვდილო ჭრილობა დანით აქვს მიყენებული. 

არსებული ინფორმაციით, შელაპარაკება მეზობლებს შორის ქუჩაში დაიწყო, შემდეგ კი სახლში გაგრძელდა.

კურუზუში მომხდარ მკვლელობას ადასტურებენ შს სამინისტროში. გამოძიება განზრახ მკვლელობის მუხლით მიმდინარეობს, რაც 7-დან 15 წლამდე პატიმრობას ითვალისწინებს.

მკვლელობაში ეჭვმიტანილი უკვე დაკავებულია.