კიდევ ერთი გამაფრთხილებელი აქცია ჩატარდა სვანეთში, ადგილობრივი მოსახლეობა ცენტრალურ გზის ჯვარი-მესტიის მონაკვეთზე შეიკრიბა. ისინი ხელისუფლების იმ გადაწყვეტილებას აპროტესტებენ, რომელიც მათ ხე-ტყის მოჭრასა და რეალიზაციას უკრძალავს და ხელისუფლებისგან რეაგირებას ითხოვენ, წინააღმდეგ შეთხვევაში გზის გადაკეტვით იმუქრებიან.
ადგილობრივების მტკიცებით, ამ გადაწყვეტილებით რეგიონში ხელი შეეწყო ბიზნესის მონოპოლიას, მცირე მეწარმეები კი უსახსროდ დარჩნენ. როგორც აქციის ერთერთი მონაწილე ამბობს, შეშის დამამზადებლებს მცირე ლიცენზიებზე უარი ეთქვათ მაშინ, როდესაცგარემოს დაცვის სამინისტროს ფავორიტი კომპანიები მასობრივად ჭრიან ხე- ტყეს და დამზადებული მასალა უწყვეტ ნაკადად გააქვთ რუსეთში.
გარემოს დაცვის სამინისტრო ამ ბრალდებებს გვერდს უვლის და პასუხად აცხადებს, რომ აკრძალვა არავითარ შემთხვევაში არ მოიხსნება, რადგან ეს გადაწყვეტილება მიღებულია სვანეთის ტყეების გადარჩენის აუცილებლობით.