რესურსეფექტურ და ეკოლოგიურად სუფთა წარმოების საკითხებისადმი მიძღვნილ ფორუმს დღეს ზუგდიდმა უმასპინძლა.შეხვედრა სახალხო დამცველის აპარატის ოფისში გაიმართა პროგრამის „მწვანე ეკონომიკის ხელშეწყობა აღმოსავლეთ პარტნიორობის ქვეყნებში“ ფარგლებში რომელსაც გაეროს ინდუსტრიული განვითარების ორგანიზაცია ახორციელებს. ღონისძიებაზე საწარმოებში რესურსდამზოგი და ეკოლოგიურად სუფთა წარმოების მეთოდები, მათი გამოყენების შესაძლებლობები და მასთან დაკავშირებული ეკონომიკური და ეკოლოგიური სარგებელი განიხილეს.ასევე წარმოდგენილი იყო პროექტის ფარგლებში ქართულ საწარმოებში განხორციელებული ღონისძიებების პრაქტიკული მაგალითები.შეხვედრაში მონაწილეობდნენ სამეგრელო-ზემო სვანეთის რეგიონის სამთავრობო და არასამთავრობო სექტორის, ასევე სამეცნიერო ინსტიტუტების წარმომადგენლები.