ეროვნულ-დემოკრატიული ინსტიტუტი (NDI) საზოგადოებრივი აზრის კვლევის პოლიტიკურ ნაწილს აქვეყნებს. კითხვაზე, რომელი პოლიტიკოსი მოგწონთ ყველაზე მეტად ქართულ პოლიტიკაში, ყველაზე მეტი – 15% ერთიანი ნაციონალური მოძრაობის ლიდერ დავით ბაქრაძეს ასახელებს, 7% ირაკლი ალასანიას, 6% შალვა ნათელაშვილს, გიორგი კვირიკაშვილს 5%, დავით სერგეენკოს და ნინო ბურჯანაძეს თანაბარი – 3-3% აქვთ, გიორგი მარგველაშვილს, დავით უსუფაშვილსა და მიხეილ სააკაშვილს 2-2%, ვერცერთ პოლიტიკოსს ვერ ასახელებს 28%, ხოლო კითხვას არ პასუხობს – 10%რაც შეეხება ყველაზე "დაწუნებულ" პოლიტიკოსს, აქ ბიძინა ივანიშვილი 4%-ით ლიდერობს, ეკა ბესელიას, გიგა ბოკერიასა და გოგი თოფაძეს 3-3% აქვთ, თინა ხიდაშელს, მიხეილ სააკაშვილსა და ნინო ბურჯანაძეს 2-2%. არ იცის 42%-მა, ხოლო არ პასუხობს – 16%.კვლევის საველე სამუშაოები ჩატარდა 23 თებერვალი – 14 მარტის პერიოდში. საქართველოს მასშტაბით, 3900 პირისპირი ინტერვიუს წარმომადგელობითი შერჩევის საფუძველზე. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.