ეროვნულ-დემოკრატიული ინსტიტუტი (NDI) საზოგადოებრივი აზრის კვლევის პოლიტიკურ ნაწილს აქვეყნებს. კითხვაზე, ხვალ რომ არჩევნები იყოს, რომელ პარტიას მისცემდით ხმას, იმ გამოკითხულთა 17%, ვინც არჩევნებში მონაწილეობას აპირებს, პირველ არჩევნად ასახელებს ქართულ ოცნებას, ხოლო 14% – ერთიან ნაციონალურ მოძრაობას. თავისუფალ დემოკრატებს 6% მისცემდა ხმას, ლეიბორისტულ პარტიას – 3%, პატრიოტთა ალიანსს – 3%.მათი 36%, ვინც არჩევნებზე მისვლას აპირებს, პასუხობს, რომ არ იცის, ვის მისცემს ხმას. აღსანიშნავია, რომ ხვალ რომ საპარლამენტო არჩევნები იყოს, 66% სავარაუდოდ მიიღებდა მონაწილეობას, 34% – სავარაუდოდ, არ მიიღებდა.კვლევის საველე სამუშაოები ჩატარდა 23 თებერვალი – 14 მარტის პერიოდში. საქართველოს მასშტაბით, 3900 პირისპირი ინტერვიუს წარმომადგელობითი შერჩევის საფუძველზე. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს CRRC–საქართველო.