სახელმწიფო დროშები დაუშვეს სამეგრელო-ზემო სვანეთის მხარეში სახელმწიფო რწმუნებულის გუბერნატორის ადმინისტრაციის შენობაზე. „პატივს მივაგებთ 13-14 ივნისს, თბილისში სტიქიის შედეგად დაღუპულთა ხსოვნას და კიდევ ერთხელ ვუსამძიმრებთ მათ ოჯახებს“, – ნათქვამია სამხარეო ადმინისტრაციის განცხადებაში. სახელმწიფო დროშა დაეშვა ასევე ტელერადიოკომპანია ოდიშის შენობის წინ. "სამაუწყებლო კომპანია მწუხარებას გამოთქვამს თბილისში მომხდარი სტიქიის შედეგად დაღუპული ადამიანების გარდაცვალების გამო და სამძიმარს უცხადებს თითოეულის ოჯახს" – ნათქვამია არხის განცხადებაში. პრემიერ-მინისტის გადაწყვეტილებით 15 ივნისი საქართველოში გლოვის დღედაა გამოცხადებული