ზუგდიდში, კულტურის ცენტრ ოდიშის დარბაზში ქორწინების შესახებ საკონსტიტუციო ცვლილებაზე საჯარო განხილვა გაიმართა, რომელსაც ადგილობრივი მოსახლეობა და მუნიციპალიტეტის თვითმმართველობის წარმომადგენლები დაესწრნენ. კანონპროექტი შეკრებილებს საქართველოს პარლამენტის წევრებმა ეკა ბესელიამ, მანანა კობახიძემ, გედევან ფოფხაძემ, გიორგი გაჩეჩილაძემ, ზურაბ ტყემალაძემ და გოგი თოფაძემ წარუდგინეს. კანონპროექტის მიზანია კონსტიტუციის 36 -ე მუხლის პირველი ნაწილის მკაფიო ფორმულირება.კერძოდ, ინიციატივის მიხედვით, ქორწინება არის ოჯახის შექმნის მიზნით ქალისა და მამაკაცის ნებაყოფლობითი კავშირი. თითოეულმა მათგანი დამსწრეებს კანონპროექტის აუცილებლობაზე ესაუბრა, ამასთან, შეხვედრის ფორმატის ფარგლებში დამსწრეებს შესაძლებლობა მიეცათ დეპუტატებისთვის კითხვით მიემართათ.
კონსტიტუციაში შესატანი ცვლილებების საჯარო განხილვები საქართველოს 12 ქალაქში გაიმართება.