ზუგდიდის მუნიციპალიტეტის გამგეობის წინ საქართველოს ტერიტორიული მთლიანობის და დამოუკიდებლობისთვის ბრძოლის მონაწილეებმა საპროტესტო აქცია გამართეს. შეკრებილთა თქმით, თბილისიდან სპეციალური კომისიაა ჩამოსული, რომლებიც ხელახალ რეგისტრაციას აწარმოებენ. ასევე, მათი თქმით, წელიწადში რამდენჯერმე უწევთ შესაბამისი დოკუმენტაციის მოწესრიგება რათა ფინანსური დახმარება მიიღონ. აქციის მონაწილეებთან მივიდა ვეტერანების საქმეთა სახელმწიფო სამსახურის დირექტორი ზაზა მესხი. მისი თქმით, კომისიის მიზანი შეკრებილი ადამიანებისთვიწს სტატუსის მინიჭებაა, ხოლო სტატუსის მინიჭების შემდეგ არსებული კანონმდებლობის ფარგლებში მათზე დახმარება გაიცემა. ვეტერანების საქმეთა სახელმწიფო სამსახურის დირექტორის განცხადებით, ყველაფერი გაკეთდება იმისთვი, რომ ყველა მსგავსი ადამიანის საქმე განხილული იქნეს და მაქსიმალურად იქნას დაკმაყოფილებული. ხოლო რაც შეეხება აქციის მიმდინარეობას, ამ პერიოდის განმავლობაში მუნიციპალიტეტის გამგეობის მიმდებარე ტერიტორიაზე სამართალდამცავები იყვნენ მობილიზებულნი
საქართველოს ტერიტორიული მთლიანობის და დამოუკიდებლობისთვის ბრძოლის მონაწილეებმა საპროტესტო აქცია გამართეს (VIDEO)
Published on