დღეს დილის 6 საათისთვის ეკონომიკის სამინისტროს შენობაში ხანძარი გაჩნდა– შეტყობინება ამის შესახებ რამდენიმე წუთის შემდეგ შევიდა სახანძრო სამსახურში, თუმცა სწრაფი რეაგირების მიხედავად, ცეცხლი მე-6 სართულზე გავრცელდა, დამწვარია სამი ოთახი, დააახლოებით 500 კვადრატულ მეტრამდე ფართობი. ხანძრის შედეგად მსუბუქად დაშავდა დამლაგებელი
როგორც სახანძრო სამსახურში აცხადებენ, ხანძარი უკვე ლიკვიდირებულია – ადგილზე მუშაობდა სახანძრო სამსახურის 10 ბრიგადა .წინასწარი ინფორმაციით, ხანძარი, სავარაუდოდ, მოკლე ჩართვამ გამოიწვია.
ამ წუთებში ეკონომიკის სამინისტროს შენობაში თანამშრომლებს არ უშვებენ. ადგილზე ერთი სახანძრო მანქანა რჩება. როგორც აცხადებენ, სამუშაო პროცესი დღის განმავლობაში განახლდება.