ევროკავშირის ყველა წევრი სახელმწიფოს ლიდერი და ევროკავშირის ინსტიტუტის ხელმძღვანელი ერთობლივ განცხადებას ავრცელებენ. ისინი ბრიუსელში მომხდარ ტერაქტს გმობენ და აცხადებენ, რომ „ეს იყო თავდასხმა ჩვენს ღია, დემოკრატიულ საზოგადოებაზე“. ევროკავშირის ლიდერები სოლიდარობას უცხადებენ ბელგიას და მზადყოფნას გამოთქვამენ, წინააღმდეგობა გაუწიონ ტერორისტულ საფრთხეებს.
„ამ თავდასხმამ მხოლოდ გააძლიერა ჩვენი სიმტკიცე, დავიცვათ ევროპული ფასეულობები და ტოლერანტობა შეუწყნარებლობის თავდასხმებისგან. ჩვენ ერთად და მტკიცედ ვიქნებით სიძულვილთან, ძალადობრივ ექსტრემიზმსა და ტერორიზმთან ბრძოლაში, – ნათქვამია განცხადებაში.