22 მარტს მსოფლიო მიმების საერთაშორისო დღე აღინიშნება. მსოფლიო ღონისძიებებს საქართველო წელს პირველად უერთდება. დღის 2საათზე საქართველოს 4 ქალაქი- თბილისში, ქუთაისში, ბათუმსა და ზუგდიდში ერთდროულად წარმოადგინეს პანტომიმის მსახიობებმა პერფომანსი. ქალაქის ცენტრალურ ხეივანში ზუგდიდის კულტურის ცენტრ „ოდიშთან“ არსებულმა პანტომიმის დასის ნორჩმა მსახიობებმა წარმოადგინეს პერფომანსი სახელწოდებით „ორკესტრი“, რომელიც დღევანდელ რეალურ ცხოვრებაზე უსიტყვოდ მოგვითხრობს. პანტომიმის თეატრის წარმოდგენას ზუგდიდში მაყურებელიც გამოეხმაურა,მათთვის სანახაობრივად და ემოციურად დატვირთული სპექტაკლი სასიამოვნო და მისაღები აღმოჩნდა.