ზუგდიდიდან თბილისის მიმართულებით დღეს დილიდან არც ერთი სამარშუტო ტაქსი არ გასულა. ამის მიზეზი ისაა,რომ მძღოლებმა პროტესტის უკიდურეს ფორმას მიმართეს. შიმშილობა მძღოლებმა კომპანია „მეტრო+“-ის წინააღმდეგ დაიწყეს. კომპანიის შემოსვლა ბაზრის მონოპოლიზებას გამოიწვევს, ამაში მათ ადგილობრივი და ცენტრალური ხელისუფლება ეხმარება- აცხადებენ მძღოლები. ისინი შიშობენ რომ კონკურენციას ვერ გაუწევენ ახალ სატრანსპორტო კომპანიას და სამუშაო ადგილებს დაკარგავენ.პარალელურად მძღოლები ქუთაისში წასვლას და პარლამენტთან აპირებენ შიმშილბის დაწყებას.მათთან ერთად იმყოფება ადვოკატი თანდილა ჯოლოგუა, რომელიც აცხადებს, რომ იგეგმება ბრიფინგი, სადაც „მეტრო +“-ის შესახებ მნიშვნელოვან ინფორმაციას გააჟღერებს.ამ დროისთვის ზუგდიდში 5 მძღოლი შიმშილობს.