ბრიუსელის აეროპორტში ამერიკის ავიახაზების სარეგისტრაციო პუნქტთან ორი აფეთქება მოხდა. აეროპორტის შენობიდან მგზავრების ევაკუაცია მიმდინარეობს. შემთხვევის ადგილზე სამართალდამცველები და მედიკოსები არიან მობილიზებული.სარკინიგზო მიმოსვლა აეროპორტთან შეწყვეტილია. აეროპორტის ,,თვითერზე" საუბარია ყველა რეისის გადადებაზე
Reutersis ცნობით, დაშავებულია ათამდე ადამიანი, ინფორმაცია გარდაცვლილთა შესახებ არ ვრცელდება. ასევე უცნობია აფეთქების მიზეზი.
როგორც ადგილობრივი გამოცემა ,,Net Nieuwsblad''იუწყება, არიან დაღუპულებიც. გამოცემა ბრიუსელის ტელეარხებზე დაყრდნობით წერს 11 დაღუპულზე, თუმცა ეს მონაცემები ჯერჯერობით ოფიციალურად არ არის დაადასტურებული. სხვა მედასაშუალებები საუბრობენ მხოლოდ ერთ დაღუპულზე.
"ბრიუსელის აეროპორტში მომხდარ აფეთქებასთან დაკავშირებით ბელგიის სამეფოში საქართველოს დიპლომატიურ წარმომადგენლობაში ამოქმედდა საკონსულო სამსახურის ცხელი ხაზი. საქართველოს საგარეო საქმეთა სამინისტრომ ბრიუსელში მყოფი საქართველოს მოქალაქეებისთვის ცხელი ხაზის ნომრები გამოაქვეყნა. : / ", – აღნიშნულია უწყების განცხადებაში.
