სამების საკათედრო ტაძარში დაახლეობით 2 საათის წინ ხანძარი გაჩნდა – ცეცხლი წაეკიდა სამების ტაძრის პირველ სართულზე მდებარე სტამბის ნაწილს, ძლიერი დაკვამლიანება იყო სამების ახალგაზრდულ ცენტრშიც, რომელიც საკათედრო ნაწილის ქვემოთ არის განთავსებული, მისი ფართობი დაახლოებით 50 კვადრატულ მეტრია და აქ ინახება საკანცელარიო ნივთების მარაგი.
ადგილზე უსწრაფესად იქნა მობილიზებული ათი სახანძრო და სამაშველო ბრიგადა, რომელთაც მოახდინეს მოქალაქეების ევაკუაცია და, შესაბამისად, თითქმის არავინ დაშავებულა, მცირე დაზიანება მიიღო ერთმა მეხანძრემ, რომელსაც უმარტივესი სამედიცინო დახმარებაც კი არ დასჭირვებია. ამ დროისათვის მეხანძრეთა ძალისხმევით ცეცხლი ლოკალიზებულ იქნა, თუმცა ძლიერი დაკვამლიანების გამო ბრიგადები კვლავ ადგილზე რჩებიან და ხანძრის კერის დაზუსტებას ცდილობენ. ,
სახანძრო-სამაშველო სამსახურის პრესსამსახური ჯერჯერობით არ საუბრობს ხანძრის გამომწვევ მიზეზებზე, რამაც სხვადასხვა ვარაუდის საფუძველი წარმოშვა. სასულიერო პირები ვარაუდობენ, რომ ცეცხლი ელექტროკაბელებს გაუჩნდა. არის ვერსიაც, თითქოს ხანძარი სამების საკათედრო ტაძარში სტამბიდან გაჩნდა.