თბილისში, ქავთარაძის ქუჩაზე მდებარე ჰიპერმარკეტ "გუდვილში" ხანძარი ლოკალიზებულია, თუმცა ჯერ ისევ რჩება ძლიერი დაკვამლიანება და მუშაობას განაგრძობენ სახანძრო ბრიგადები და პოლიცია.
ადგილზე სახანძრო და სამაშველო სამსახურის შვიდი ბრიგადა მუშაობდა. მათ სახურავიდან მოახდინეს ხანძრის კერასთან მისვლა და ცეცხლის ლოკალიზება. შენობიდან განხორციელდა თანამშრომლების ევაკუაცია. ვრცელდება ინფორმაცია, რომ ხანძრის ედეგად დაშავებულია გუდვილის ორი თანამშრომელი, თუმცა მათი მდგომარეობა საგანგაშო არ არის. ერთს აღენიშნება ინტოქსიკაცია, თუმცა მისი ჰოსპიტალიზაციის საჭიროება არ დამდგარა, ხოლო მეორეს,, რომელსაც სხეუზე დაზიანებები აღენიშნება, ქირურგიის ინსტიტუტშია გადაყვანილი.
ხანძარი ჰიპერმარკეტში დაახლოებით 12.00 საათზე გაჩნდა – ამ დროისათვის შენობაში სინათლე ჩაქრა, რის შემდეგაც თანამშროლებმა მზარდი დაკვამლიანება შენიშნეს.
ხანძრის გამოწვევი მიზეზები ჯერჯერობით დაზუსტებული არ არის. ვარაუდობენ, რომ ცეცხლი საპირფარეშოსი დენის გადამყვან კოლოფს გაუჩნდა.