ორი ადამიანი დაშავდა თბილისში, ქავთარაძის ქუჩაზე მდებარე ჰიპერმარკეტ "გუდვილში" გაჩენილი ხანძრის შედეგად. ამ დროისათვის ხანძარი ლოკალიზებულია, თუმცა დაკვამლიანების გამო ადგილზე სახანძრო ბრიგადები ჯერ კიდევ მუშაობენ. ჰიპერმარკეტთან ამ დრომდე რჩება პოლიცია. სასწრაფო სამედიცინო დახმარების ცენტრის პრესსამსახურის მიერ გავრცელებული ინფორმაციით დასავებუთა მდგომარეობა საგანგაშო არ არის – ერთ პირს ინტოქსიკაცია აღენიშნება, თუმცა მისი ჰოსპიტალიზაციის საჭიროება არ არსებობს, რაც შეეხება მეორე დაშავებულს, სხეულზე მიღებული დაზიანებებისა და ტრავმის გამო სასწრაფო სამედიცინო ცენტრის ბრიგადას ქირურგიის ინსტიტუტშია გადაყვანილი.
ხანძარი გუდვილში დაახლოებით 12.00 საათზე გაჩნდა – ამ დროისათვის შენობაში სინათლე ჩაქრა, რის შემდეგაც თანამშრომლებმა მალევე შენობაში შენიშნეს ძლიერი დაკვამლიანება . ხანზრის ჩაქრობაზე სახანძრო და სამაშველო სამსახურის შვიდი ბრიგადა მუშაობდა. შენობიდან განხორციელდა თანამშრომლების ევაკუაცია.